Néstor Rego na Pobra. Mércores 9 de outubro
Este mércores 9 de outubro estará na Pobra Néstor Rego, candidato do BNG ao Congreso dos deputados pola provincia da Coruña. Desenvolverá un encontro co colectivo de Pensionistas en Loita e outros sectores e posteriormente participará nunha asemblea aberta organizada polo BNG da Pobra ás 20:30 h no seu local ( CS A Trastenda, Zona comercial O Adro, rúa San Roque) aproveitade a ocasión para vir falar, preguntar, debater todo o que queirades con el.
No BNG enfrontamos o proceso electoral cara o 10N convencidos de que, co apoio desa maioría social cansa da discriminación con Galiza, imos recuperar a representación no Congreso, imos devolverlle a voz a Galiza. Xunto coa maioría consciente de que a solución os problemas do país non vai vir nin do bipartidismo de sempre nin do baile de siglas dunhas forzas estatais que demostraron ter un denominador común: de Galiza só lles interesan os votos. Ao BNG nos importa o país.
O 28A, tras duplicar votos, quedamos ás portas de obter representación, pero este 10N témolo ao alcance da man, na punta dos dedos, porque estamos convencidas que a xente deste país tomou boa nota do pasotismo con Galiza, tomou boa nota da inutilidade das forzas estatais que xogaron co seu voto, e vai apostar polo BNG para ter unha voz propia en Madrid que defenda os seus intereses ante o Goberno do Estado.
A única maneira de cambiar ese guión é que o Goberno do Estado, nun momento no que se acabaron as maiorías absolutas, sexa condicionado por un partido coas mans libres para defender os intereses dos galegos e das galegas, que sexa condicionado por unha forza libre para facernos valer como país sen pedirlle permiso a ninguén, para construír unha Galiza cun futuro mellor na que vivir e traballar. Esa forza política foi, é e será sempre o BNG.
CANDIDATURA DO BNG AO CONGRESO POLA PROVINCIA DA CORUÑA
- Néstor Rego Candamil
- Mª Xosé Bravo Sanjosé
- Ramón Fernández Alfonzo “Mon”
- Silvia Pardo Galdo
- Miguel Pernas Cora
- Mª Montserrat Almozara Cordeiro
- Xosé Igrexas Lamela
- Mercedes Queixas Zas
SUPLENTES:
- Cristina López Sánchez
- Bruno Lopes Teixeiro
- Belén Lendoiro Esmorís
- Maruxa Martínez Romaní
- Pedro Pérez Traba
- María Pilar Veiga Ares
- Tania Fernández Iglesias
- Xoán Sande Muñiz
- Rocío da Igrexa Prego.
- Ramón Noceda Caamaño