O Grupo Municipal do BNG-AA vén de presentar unha solicitude ao respecto do Día de Rosalía na que se

EXPÓN

Que no pleno celebrado o 30 de xaneiro de 2014 aprobouse por unanimidade unha moción  presentada polo BNG seguindo as directrices da Asociación de Escritores e Escritoras en Lingua Galega (AELG), cuxos acordos eran:

1. Declarar o 24 de febreiro Día de Rosalía no noso concello.
2. Solicitar da Xunta de Galiza que recupere a incorporación do Día de Rosalía ao seu Calendario do Libro e da Lectura.
3. Emprender e apoiar a realización de actividades de promoción da obra da nosa escritora que impliquen o conxunto dos veciños e veciñas do noso concello o 24 de febreiro. Entre estas actividades, estarán as de pendurar nos balcóns das casas e das institucións bandeiras galegas, pancartas con versos de Rosalía debuxados, procurar espazos para realizar graffitis, murais...
4. Realizar unha lectura pública da obra rosaliana nun lugar destacado do concello en que o alumnado dos centros escolares e persoas destacadas pola súa actividade cultural teñan o papel protagonista.
5. Desenvolver unha serie de actividades para promover o coñecemento de actualizacións da obra rosaliana a través da música, o teatro, a literatura ou a danza, así como seminarios, mesas redondas e/ou conferencias sobre a súa obra e figura.

Que o 4 de febreiro de 2016, esta concelleira, en nome do BNG-AA presentou unha solicitude para que o actual goberno de Nós Pobra levase a cabo os acordos aprobados por unanimidade naquel pleno.

Que, a pesar de terse institucionalizado o Día de Rosalía no concello da Pobra do Caramiñal, este noon consta no listado de concellos que figura na páxina web da AELG.

Por este motivo

SOLICITA

1. Que o Goberno Municipal da Pobra do Caramiñal poña en coñecemento da AELGA que este concello ten aprobada a moción presentada polo BNG declarando o 23 de febreiro Día de Rosalía desde o ano 2014 e se vén conmemorando institucionalmente esta data desde 2016.