Foron precisos varios plenos extraordinarios para sacar adiante a proposta de obras a realizar con cargo ao remanente de Tesourería da Pobra do Caramiñal.
Foron precisos varios plenos extraordinarios para sacar adiante a proposta de obras a realizar con cargo ao remanente de Tesourería da Pobra do Caramiñal.
A Xornalista Montse Fajardo e a directora do CIM de Pontevedra, Rosa Campos, participarán na Pobra do Caramiñal nun acto organizado polo BNG co gallo da celebración do Dia Internacional para a eliminación da violencia de xénero.
A iniciativa nacionalista pretende abaratar o recibo da luz, nun país excedentario de produción de enerxía, un prezo xusto da electricidade, acabar coa pobreza enerxética e frear o peche de ALCOA
Ramiro Ouviña, concelleiro do Grupo Municipal do Bloque Nacionalista Galego asegura que o servizo urbanístico leva moito tempo vivindo nunha situación de precariedade.
A concelleira do BNG Cristina Andrade, destacou esta mañá que malia ter presentado distintas iniciativas para dinamizar o emprego, xerar postos de traballo, e fixar poboación, o goberno de Nos Pobra non tomou en conta nengunha.
Os concelleiros do BNG da Pobra do Caramiñal desprazáronse ata a praza Irmás Axeitos para dar conta dunha solitude que presentarán ao Pleno, en relación ao paso de tráfico rodado por esta zona.
O BNG da Pobra critica o retraso na tramitación das axudas á escolarización, e o curto prazo dado as familias para presentar as solicitudes, por todo elo levarán unha batería de preguntas ao próximo Pleno, para aclarar que foi o que aconteceu.
O BNG critica a falla de investimentos do goberno local de NP nesta zona, a pesar de ter recoñecida a débeda histórica que o Concello ten con esta zona amplamente degradada e aprobada por unanimidade unha moción dos nacionalistas a respecto do arranxo integral da rúa 2.
Ana Pontón: "As eleccións locais son o primeiro paso para o cambio político que Galiza precisa e que aspiramos a liderar"
As forzas políticas estatais demostran cos feitos que se alternan na discriminación a este país, denuncia
Ofrece “brazos abertos” para liderar o novo tempo político que vai empezar nas eleccións municipais. “Só o BNG garante un cambio real porque é o único que actúa coa cabeza e o corazón neste país”, proclama
Pide ambición para dar un “salto adiante” no apoio social e acabar co “silencio e abandono” que as fozas estatais reservan a Galiza
Trala posta en liberdade dos cinco membros de “A Manada” e condeados a 9 anos de cadea por ter abusado sexualmente dunha moza de 18 anos durante os Sanfermíns de 2016, o grupo de BNG considera que debería darse un paso dende os concellos e amosar o apoio a vítima e o rexeitamento de estes feitos.
O BNG do Barbanza demanda a reversión dos terreos portuarios que non se destinan a usos profesionais. Pretende así que as zonas integradas no espazo urbano non estean suxeitas ó pago de taxas que consideran abusivas. O BNG demanda que espazos como paseos, alamedas e aparcadoiros en terreos portuarios non destinados a usos profesionais pasen a ser de titularidade municipal posto que se atopan integrados na dinámica urbana dos distintos municipios. Ademais da reversión destas zonas, os nacionalistas amosan a súa preocupación ante as numerosas deficiencias que presentan os portos da comarca.
O BNG da Pobra presenta unha moción ao próximo pleno relativa á adopción de medidas para eliminar os dispositivo “foto-vermello” no semáforo
Ana Pontón pide eximir aos concellos das taxas portuarias, desafectar os espazos portuarios para convertelos en terreos municipais e modificar o réxime de sancións aos concellos con portos
Os nacionalistas xa realizaran unha petición similar a través dunha moción no pleno de xuño de 2016, moción que foi aprobada e na que se instaba ao concello a iniciar o procedemento de declaración como protexido do ecosistema da Corna.
O BNG da Pobra volve demandar medidas de protección na contorna da praia da Corna.
A portavoz nacional, Ana Pontón, presentou hoxe a campaña do BNG de celebración do Día da Patria de 2018 baixo o lema Sumar por Galiza, que conmemora tamén o 50 aniversario desde que en 1968, -tras décadas de parón pola ditadura franquista-, o nacionalismo galego recuperase a manifestación nas rúas de Compostela para celebrar o 25 de Xullo.
Naquela data, a policía fascista arremeteu contra as persoas manifestantes que, ano tras ano, seguiron tentando chegar até a emblemática Praza da Quintana, pero que non lograron conquistar ata 1983, tras unha sentada de oito horas na cidade vella de Santiago. Así o relatou Lois Diéguez, histórico militante quen participou nesa reivindicación do 68 e que, xunto con María Alonso, militante viguesa de 17 anos que acudirá a súa segunda celebración do 25 de xullo, acompañaron a Pontón na presentación da campaña.
Medio século no que a defensa de Galiza como nación “é hoxe tan revolucionaria como fai cinco décadas”, salientou Pontón, “e tamén hoxe o nacionalismo significa a esperanza dun cambio real para deixar atrás precariedade, emigración e a discriminación a este país”. A dirixente do Bloque amosou o seu orgullo de liderar “unha organización con historia” que, ademais, “segue a ser a mellor ferramenta política para defender Galiza e avanzar colectivamente”.
A campaña do Día da Patria está centrada na idea de Sumar por Galiza a todas as persoas que, mesmo desde diferentes visións, comparten a idea de que este pobo debe gobernarse a si mesmo escribindo o seu propio guión.
“50 anos sumando por Galiza desde a diferencia, con diferentes visións do país, pero cun punto en común: O convencemento de que temos dereito e somos capaces de gobernarnos a nós mesmas, a nós mesmos e non precisamos que nos marquen o camiño desde fora”. Esa é idea que expresamos neste 25 de xullo, que o diferente suma, que temos unha visión aberta e queremos aportar desde aquí ao resto do mundo”, salientou.
Desbordar Santiago
Pontón fixo un chamamento “a desbordar” as rúas de Compostela o 25 de xullo “para sumar a todas as persoas que levan Galiza na cabeza e no corazón” cun BNG “coa man tendida e as portas abertas” para construír un país “onde a xente moza como María non teña que coller a porta da emigración ou quen traballou toda a súa vida como Lois non sexa obrigado a loitar por unhas pensións dignas”.
Con ese obxectivo, “é clave fortalecer proxectos políticos propios como o BNG, para que Galiza non sexa un simple escenario do pim-pam-pum das forzas políticas estatais que mudan o seu discurso en función de se están no goberno ou na oposición, e nese escenario os galegos e as galegas sempre saímos perdendo”.
Emoción e orgullo no 25 de xullo
A dirixente nacionalista insistiu no chamamento para sumar arredor “dun nacionalismo emancipador, forte, aberto e moderno desde o que construír un futuro mellor para Galiza, cun BNG coa man tendida para quen queira traballar na defensa deste país e deste pobo”, concluíu.
Desde a experiencia na loita de Lois Diéguez á xuventude de María Alonso, ambos explicaron a “emoción e o orgullo” compartidos pola celebración dun sentimento de nación compartido que cada ano enche A Quintana. “Moita esperanza no que representan Ana e María”, destacou Lois, “e a ilusión de ver a tanta xente moza saíndo ás rúas loitando polos nosos dereitos” que expresou María, ante unha Ana Pontón que tamén lembrou a súa primeira manifestación do 25 de xullo, “a que vin desde Sarria con 17 anos e sen permiso dos meus pais”, confesou.
©bng.gal
